1 րոպեի ընթերցում
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Անվտանգության խորհրդի քարտուղար Արմեն Գրիգորյանի համոզմամբ՝ քաղաքացիների հույսերը գործող իշխանություններից մեծ մասամբ արդարացվել են: Այս մասին Գրիգորյանը նշեց կառավարության նիստից հետո լրագրողների հետ զրույցում:
«Իհարկե, քաղաքացիներն ունեն պահանջներ, որոնք մենք դեռ չենք կարողացել արդարացնել, դրա համար հավելյալ ժամանակ է պետք: Բայց Հայաստանում կատարված բարեփոխումների ծավալը խոսում է նրա մասին, որ Հայաստանում մեծ մասով կատարվել են քաղաքացիների ակնկալիքները... Մի կարևոր բան էլ կա. իրողության փոփոխության հետ նաև քաղաքացիների պահանջներն են փոխվում: Երբ մենք կառուցել ենք 500 կմ ճանապարհ, դրանով քաղաքացիների ակնկալիքները չեն սպառվել, նոր ակնկալիքներ են ձևավորվել: Մենք պատրաստ ենք նշաձողի բարձրացմանը: Մենք հեղափոխության ակնկալիքները մեծ մասով արդարացրել ենք, իսկ այն մասով, որով չենք կարողացել, ժամանակի ընթացքում կարդարացնենք»,- «Արմենպրես»-ի փոխանցմամբ, ասաց Գրիգորյանը: