1 րոպեի ընթերցում
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Մոսկվայի «Շերեմետեւո» օդանավակայանում SSJ-100-ի աղետից զոհվածների ընտանիքները կստանան 9 միլիոն ռուբլու չափով վճարումներ: Այդ մասին, ինչպես տեղեկացնում Է «Արմենպրես»-ը, կառավարության նիստում հայտարարել Է ՌԴ-ի տրանսպորտի նախարար Եվգենի Դիտրիխը:
«Ընդունվել են տուժածներին եւ զոհվածների հարազատներին վճարումների բոլոր անհրաժեշտ որոշումները: Զոհվածների ընտանիքներին կվճարվի 9-ական միլիոն ռուբլի. 2 միլիոն՝ ապահովագրական վճարումներ, 2 միլիոն՝ տարածաշրջանային վճարումներ, 5 միլիոն՝ «Աերոֆլոտ» ընկերության վճարումներ»,- ասել Է նախարարը:
Նա նաեւ նշել Է, որ բոլոր վճարումները կկազմակերպվեն այն տեղերում, որտեղ բնակվել են զոհվածները:
Դիտրիխի խոսքով՝ նաեւ ավիաընկերությունը որոշում Է ընդունել մեկական միլիոն ռուբլի վճարել բոլոր այն ուղեւորներին, որոնց հոսպիտալացում չի պահանջվել, հաղորդել Է ՏԱՍՍ-ը: