Ուկրաինայի հայերի միության նախագահը Երևանում հարգանքի տուրք է մատուցել Շառլ Ազնավուրի հիշատակին
1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Ուկրաինայի հայերի միության նախագահ Վիլեն Շատվորյանը Երևանում հարգանքի տուրք է մատուցել աշխարհահռչակ շանսոնյե Շառլ Ազնավուրի հիշատակին:
Ինչպես հաղորդում է «Արմենպրես»-ը, վկայակոչելով analitikaua.net-ը, Վիլեն Շատվորյանը Երևանի Շառլ Ազնավուրի հրապարակում ծաղիկներ է դրել Ազնավուրի անունը կրող աստղին:
Կայքը հավելում է, որ Երևանում լեգենդար շանսոնյեի մահվան լուրը իմանալու պահից քաղաքական գործիչները և քաղաքացիները ծաղիկներ են բերում Շառլ Ազնավուրի հրապարակ՝ հարգանքի տուրք մատուցելով շանսոնյեի հիշատակին: