1 րոպեի ընթերցում
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության խմբային փուլի, փլեյ-օֆֆի խաղերին մեծաքանակ երկրպագուներ են ներկա եղել:
«Արմենպրես»-ի հաղորդմամբ` ֆուտբոլի աշխարհի 21-րդ առաջնության մինչ այս կայացած 56 խաղերին ներկա է եղել 2.576.584 երկրպագու: Մունդիալ-2018-ում Կոստա Ռիկայի ընտրանին միակ թիմն էր ամբողջ ԱԱ-ի ընթացքում, որը ոչ մի գոլ չխփեց:
Ֆուտբոլի աշխարհի առաջնության քառորդ եզրափակիչի բոլոր զույգերը հայտնի են: Կիսաեզրափակիչի առաջին ուղեգրի համար կպայքարի Ֆրանսիա-Ուրուգվայ զույգը: Այդ հանդիպումը կկայանա հուլիսի 6-ին Նիժնի Նովգորոդի համանուն մարզադաշտում: Նույն օրը` երեկոյան 22:00-ին, Բելգիան Կազանում կմրցի Բրազիլիայի ընտրանու հետ: Հաջորդ ուղեգրերը կխաղարկվեն հուլիսի 7-ին: Երևանի ժամանակով 18:00-ին Շվեդիան Սամարայում ուժերը կչափի Անգլիայի, իսկ 22:00-ին, տանտերերը` Ռուսաստանի հավաքականի ֆուտբոլիստները Սոչիի օլիմպիական «Ֆիշտ» մարզադաշտում կխաղան Խորվաթիայի ընտրանու հետ:
Մունդիալի մասին այլ նյութեր՝այստեղ: