Իրանում ռազմական ինքնաթիռ է կործանվել

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Իրանի կենտրոնական Սպահան նահանգում հունիսի 2-ին ռազմական ինքնաթիռ է կործանվել: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:

Իրանական Tansim գործակալության տվյալներով՝ ինքնաթիռը կործանվել է Դաստջերդ բնակավայրից ոչ շատ հեռու: Օդանավի անձնակազմի երկու անդամները ողջ են մնացել:

Դեպքի վայրում աշխատում են փրկարար ջոկատները: Կործանման պատճառները դեռևս հայտնի չեն: