368.54
Սպառազինությունների առևտուրը բանջարեղենի առևտուր չէ. Նալբանդյանը պատասխանել է Իսրայելի ռազմական արտահանումների մասին հարցին
1 րոպեի ընթերցում
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Սպառազինությունների առևտուրը բանջարեղենի առևտուր չէ, և նմանատիպ առևտուրը միշտ իր սև կողմն ունի, որը կարող է հանգեցնել որոշ բացասական հետևանքների: Իսրայելական ITV24 հեռուստաընկերությանը տված հարցազրույցում այս մասին ասել է Հայաստանի արտաքին գործերի նախարար Էդվարդ Նալբանդյանը` անդրադառնալով հարցին, թե որոնք են Հայաստանի համար սպասելիքները Իսրայելիցռազմականօգնությանկամռազմական արտահանումներիառումով:
«Հայաստանի և Իսրայելի հարաբերություններում կարևորն այն է, որ մենք որևէ հարց քննարկելու համար արգելք չունենք, նույնիսկ զգայուն հարցերը մենք անկաշկանդ քննարկում ենք և փորձում լուծումներ գտնել»,- «Արմենպրես»-ի հաղորդմամբ` ընդգծել է նախարարը:
Ճշտող հարցին, թե այդ հարցի շուրջ ինչպիսի՞ն են Հայաստանի ակնկալիքները Իսրայելից, Էդվարդ Նալբանդյանը պատասխանել է. «Ասացի այն, ինչ կարող էի ասել ձեզ: Մենք բաց և շատ դրական քննարկումներ ենք անցկացնում»:
Բաժանորդագրվեք մեր ալիքին Telegram-ում