2 րոպեի ընթերցում
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի մինչև 19 տարեկանների թիմը կմասնակցի Եվրոպայի առաջնության ընտրական փուլին:
«Արմենպրես»-ի հաղորդմամբ` այս մասին գրում է ՀՖՖ-ն: Հոկտեմբերի 18-24-ը Հունգարիայում կկայանա մինչև 19 տարեկան աղջիկների Եվրոպայի 2018 թ. առաջնության որակավորման փուլի 10-րդ խմբի մրցաշարը:
Հայաստանի հավաքականի մրցակիցները կլինեն Հունգարիայի, Շոտլանդիայի և Թուրքիայի հավաքականները: Հոկտեմբերի 18-ին մեր հավաքականը կմրցի Շոտլանդիայի, հոկտեմբերի 21-ին՝ Թուրքիայի, հոկտեմբերի 24-ին Հունգարիայի հավաքականների հետ: Պատրաստվելով այդ մրցաշարին՝ Հայաստանի մինչև 19 տարեկան աղջիկների հավաքականը հոկտեմբերի 14-16-ը կանցկացնի նախապատրաստական հավաք ՀՖՖ ֆուտբոլի ակադեմիայում: Թիմը Հունգարիա կմեկնի հոկտեմբերի 17-ի առավոտյան: Հավաքականի գլխավոր մարզիչ Լիանա Հայրապետյանը հրավիրել է 20 ֆուտբոլիստուհիների.
Դարպասապահներ
Մարիամ Ցոլակյան, «Տրիբունա» (Գյումրի)
Լենա Անդրիասյան,«Երևան-Լ.Հ.»
Պաշտպաններ
Նորա Եղյան,«Երևան-Լ.Հ.»
Նելլի Խալաթյան,«Երևան-Լ.Հ.»
Մարիա Սախինովա,«Երևան-Լ.Հ.»
Անի Կարապետյան,«Երևան-Լ.Հ.»
Կարինե Խաչատրյան,«Երևան-Լ.Հ.»
Անյուտա Գալստյան,«Արթիկ ՖԴ»
Լիանա Ղազարյան,«Տրիբունա» (Գյումրի)
Կիսապաշտպաններ
Գայանե Սարդարյան,«Երևան-Լ.Հ.»
Լուիզա Ղազարյան,«Երևան-Լ.Հ.»
Պայծառ Ասատրյան,«Երևան-Լ.Հ.»
Կարինե Սանոսյան,«Երևան-Լ.Հ.»
Հեղինե Չոփիկյան,«Երևան-Լ.Հ.»
Էմմա Բաբոյան,«Արթիկ ՖԴ»
Հարձակվողներ
Գայանե Անտոնյան,«Երևան-Լ.Հ.»
Սաթենիկ Հովհաննիսյան,«Տրիբունա» (Գյումրի)
Աննա Դալաքյան,«Տրիբունա» (Գյումրի)
Գյուլնարա Սահակյան,«Տրիբունա» (Գյումրի)
Ռիտա Մարի Գրիգորյան,«ՖԱ Լոս-Անջելես» (ԱՄՆ)