1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Լեհաստանի բոլոր ժամանակների լավագույն ֆուտբոլային հարձակվող և երկրի ընտրանու ավագ Ռոբերտ Լևանդովսկին խոսել է Հայաստանի հավաքականի դեմ խաղի մասին:
«Մենք հաղթանակ տոնեցինք մեզ համար ոչ հեշտ խաղադաշտում: Մեկնարկից էլ ցույց տվեցինք, որ ուզում ենք հաղթել, և գոլերը հաջորդեցին իրար: Մենք վերլուծել էինք մեր նախորդ սխալները և գիտեինք ինչի վրա աշխատել: Հայերը մեկ հնարավորություն ունեցան դարպասը գրավելու և այն օգտագործեցին»,-«Արմենպրես»-ի հաղորդմամբ` ասել է Լևանդովսկին:
Ֆուտբոլի աշխարհի առաջնության ընտրական փուլի շրջանակում Հայաստանի ընտրանին երեկ Երևանում հյուրընկալել էր Լեհաստանի թիմին: Լեհերին հաջողվեց հաղթել 1:6 հաշվով, իսկ Ռոբերտ Լևանդովսկին դարձավ հեթ-տրիկի հեղինակ: