Գալուստ Սահակյանը շնորհավորական ուղերձ է հղել Մեծի Տանն Կիլիկիո Կաթողիկոս Ն.Ս.Օ. Տ. Տ. Արամ Առաջինին
1 րոպեի ընթերցում
ԵՐԵՎԱՆ, 8 ՄԱՐՏԻ, ԱՐՄԵՆՊՐԵՍ: ՀՀ Ազգային ժողովի նախագահ Գալուստ Սահակյանը ծննդյան 70-ամյակի առթիվ շնորհավորել է Մեծի Տանն Կիլիկիո Կաթողիկոս Ն.Ս.Օ. Տ. Տ. Արամ Առաջինին:
Ինչպես «Արմենպրես»-ին տեղեկացրին ՀՀ Ազգային ժողովի հասարակայնության և տեղեկատվության միջոցների հետ կապերի վարչությունից, ԱԺ նախագահի շնորհավորական ուղերձում մասնավորապես նշվում է.
«Ձեր կյանքն աստվածահաճո եւ անձնվեր ծառայություն է ժողովրդին եւ Հայաստանյայց առաքելական սուրբ եկեղեցուն: Ձեր երկարամյա հոգեւոր եւ գիտական գործունեությունը, Մայրավանքի սրբազան կամարների ներքո Ձեր կողմից բարձրացվող աղոթքները ոգեւորիչ ուժ եւ աջակցություն են մեր ժողովրդի զավակների համար: Այն անդադրում ջանքերը, որ ծավալում եք ի շահ ազգապահպանության եւ մեր պատմամշակութային ու հոգեւոր ժառանգության պահպանման, Ձեզ արժանացրել են ամենաբարձր հարգանքի»:
Ազգային ժողովի նախագահը հոբելյարին մաղթել է առողջություն, արեւշատություն եւ անսպառ եռանդ: