Արամ Ա-ն ընդունել է Լիբանանում Հունաստանի նորանշանակ դեսպանին

1 րոպեի ընթերցում

ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա Վեհափառ Հայրապետն օգոստոսի 26-ի առավոտյան Բիքֆայայի Ս. Աստվածածին վանքում ընդունել է Լիբանանում Հունաստանի նորանշանակ դեսպան Թեոդոր Փասսաֆին: Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Նկատի ունենալով նոր դեսպան լինելու հանգամանքը` Նորին Սրբությունը լայնորեն տեղեկացրել է Մեծի Տանն Կիլիկիո կաթողիկոսության առաքելության, սփյուռքի գաղութների, Միջին Արևելքում տեղի ունեցող զարգացումների, ինչպես նաև լիբանանահայության մասին:

Ապա Վեհափառ Հայրապետի և դեսպանը խոսել են առաջիկայում Աթենքում կայանալիք Նորին Սրբության պետական ու կրոնական հանդիպումների մասին: Այս նախաձեռնության վերաբերյալ Վեհափառ Հայրապետը կարևոր դերակատարություն է ունեցել:

Դեսպանն իր հերթին ներկայացրել է Հունաստանում ստեղծված վերջին շրջանի իրավիճակն ու դժվարությունները: Նա բարձր է գնահատել հունահայ գաղութի և հունական ընկերության դրական ներդրումը: Դեսպանն իր զորակցությունն է հայտնել հայ ժողովրդին Հայոց ցեղասպանության 100-րդ տարելիցի առիթով:

Հայերեն

Եվրոպական ինդեքսները նվազել են - 16/11/26

Ամերիկյան ինդեքսները նվազել են - 16/11/26

NYMEX. Թանկարժեք մետաղների գները նվազել են - 16/11/26

Նավթի գները նվազել են - 16/11/26

Դասական երաժշտությունը պետք է հասանելի դարձնել ամբողջ հանրությանը. Դանիել Դանիելյանը՝ Ազգային ֆիլհարմոնիկ նվագախմբի ռազմավարության մասին

Մոնղոլիայի նախագահը հրաժարական է տվել կոռուպցիայի մեղադրանքների պատճառով

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել