1 րոպեի ընթերցում
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: The Economist-ի ծաղրանկարիչը «Նորմանդական քառյակի» Մինսկում կայացած բանակցություններին նվիրված ծաղրանկարում շփոթել է Ուկրաինայի և Բելառուսի նախագահներ Պյոտր Պորոշենկոյին և Ալեքսանդր Լուկաշենկոյին: Ինչպես հաղորդում է «Արմենպրես»-ը` վկայակոչելով РИА Новости-ն, The Economist-ի այս շաբաթվա համարի նկարում պատկերված են բանակցող կողմերը Վլադիմիր Պուտինը, Ֆրանսուա Օլանդը, Անգելա Մերկելը, և մի մարդ, ով շատ նման է Բելառուսի նախագահ Ալեքսանդր Լուկաշենկոյին: Նրա գլխարկի վրա գրված է` «Ուկրաինա»: Իրականում Մինսկում կայացած հանդիպման մասնակիցների չորրորդ կողմը եղել է Ուկրաինայի նախագահ Պյոտր Պորոշենկոն:
Լուկաշենկոն բանակցություններին չի մասնակցել, սակայն Մինսկում հանդիպել է չորս երկրների առաջնորդների հետ: