Երևան-Մեղրի ճանապարհին մեքենա է ընկել գետը. վարորդը հոսպիտալավցել է

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում փետրվարի 8-ին` ժամը 04.54-ին, ահազանգ է ստացվել, որ միջպետական Մ-2 ավտոճանապարհի Եղեգնաձոր-Երևան հատվածում (8-րդ կմ) տեղի է ունեցել ՃՏՊ. կան տուժածներ, անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ ՀՓՋ-ի օպերատիվ խումբը:

Պարզվել է, որ դեռևս չբացահայտված հանգամանքներում «ՋիԷմՍի» մակնիշի 34CU487 պ/հ ավտոմեքենան միջպետական Մ-2 ավտոճանապարհի Երևան-Մեղրի հատվածում (113-րդ կմ) դուրս է եկել ճանապարհի երթևեկելի հատվածից և ընկել Արփա գետը, վարորդ Մ. Ա.-ը (ծնված 1976թ.) մարմնական տարբեր աստիճանի վնասվածքներով հոսպիտալացվել է Եղեգնաձորի ԲԿ, որտեղ բժիշկները տուժածի առողջական վիճակը գնահատել են բավարար:

Հրշեջ-փրկարարնեն ավտոմեքենան դուրս են բերել գետից, այնուհետև հատուկ տեխնիկայի օգնությամբ հանել ճանապարհի երթևեկելի հատված: