Արագածոտնում «Ֆորդ»-ը դուրս է եկել երթևեկելի հատվածից և շրջվել ձորը

ԵՐԵՎԱՆ, 27 ՀՈւՆՎԱՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում հունվարի 27-ին` ժամը 13.03-ին, ահազանգ է ստացվել, որ Արագածոտնի մարզի Սիփան գյուղի մոտակայքում «Ֆորդ» մակնիշի ավտոմեքենան դուրս է եկել ճանապարհի երթևեկելի հատվածից և շրջվել ձորակը ( մոտ 2 մ). անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրշեջ-փրկարարները ճանապարհի երթևեկելի հատված են դուրս բերել «Ֆորդ» մակնիշի TGP845 պետհամարանիշով բեռնատարը. տուժածներ չկան: