Էջմիածնում տուն է այրվել

ԵՐԵՎԱՆ, 21 ՀՈւՆՎԱՐԻ, ԱՐՄԵՆՊՐԵՍ:ՀՀ տարածքային կառավարման և արտակարգ իրավիճակների նախարարությունում հունվարի 21-ին` ժամը 02.53-ին, ահազանգ է ստացվել, որ Արմավիրի մարզի Էջմիածին քաղաքի Սուրբ Մարիամ Աստվածածին եկեղեցու հարևանությամբ այրվում է տուն: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 03.36-ին, մարվել՝ 03.52-ին: Այրվել է Նար-Դոսի 1-ին փակուղու Խաչիկ Ղազարյանի թիվ 10 տան հյուրասենյակի առաստաղը (5 քմ):