Թաիլանդում կկառուցեն 5,6 մլրդ դոլար արժողությամբ ամենաբարձր շենքը Հարավարեւելյան Ասիայում
1 րոպեի ընթերցում
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Թաիլանդում մինչեւ 2019 թվականը կհայտնվի աշխարհում ամենաբարձր շենքերից մեկը եւ ամենաբարձրը՝ Հարավարեւելյան Ասիայում: Այս մասին, ինչպես տեղեկացնում է «Արմենպրես»-ը, հայտնել է տեղական կառուցապատող ընկերությունը, որը մտադրվել է Բանգկոկում կառուցել 615 մետր բարձրությամբ երկնաքեր:
Նոր բարձրաբերձ շենքը կկառուցեն քաղաքի կենտրոնական շրջաններից մեկում՝ Ռամա Իններորդ թագավորի անվան փողոցում:
Հավակնոտ նախագիծն առայժմ ստացել է «Գերաշտարակ» անվանումը, սակայն դեւելոպերները չեն բացառում, որ աշխատանքների ավարտվելու պահին անվանումը փոխվի: Շենքի արժեքը գնահատվում Է 5,6 միլիարդ դոլար: 320 հազար քառակուսի մետր մակերեսի վրա կտեղավորվեն գրասենյակներ, ինչպես նաեւ «լյուքս» կարգի հյուրանոց: «Գերաշտարակի» տանիքին կգտնվի դիտահարթակ եւ այգի զբոսանքների համար:
Հարավարեւելյան Ասիայում ամենաբարձր շենքը «Պետրոնաս» երկվորյակ աշտարակներն են Մալայզիայի Քուալա Լումպուրում (452 մետր), հաղորդել Է ՏԱՍՍ-ը: