2 րոպեի ընթերցում
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Մեծ Բրիտանիայում 11-ամյա տղայի ծնողներին ձերբակալել են երեխայի նկատմամբ դաժան վերաբերմունքի կասկածանքով: Այդ մասին, ինչպես տեղեկացնում Է «Արմենպրես»-ը, գրել Է The Sun-ը: Ահազանգել են բժիշկները, որոնք հետեւում Էին 95-կիլոգրամանոց երեխայի վիճակին եւ անհանգստացած Էին նրա առողջության համար:
Ինչպես հայտնել Է ոստիկանությունը, ներկայում ծնողները ազատված են գրավի դիմաց: Մեծ Է այն բանի հավանականությունը, որ երեխան կհանձնվի խնամակալության մարմիններին:
Ծնողները պնդում են, որ իրենց որդու ավելորդ քաշը պայմանավորված Է գենետիկ ժառանգականությամբ: Նրանք ջանում Էին հսկողության տակ պահել երեխայի քաշը:
«Ես գեր եմ, եւ ամուսնուս կողմի բոլոր ազգականները նույնպես խոշորամարմին են: Դա գենետիկա Է»,-պատմել Է տղայի մայրը: Նրա խոսքը հաստատում Է նաեւ հայրը:
Տղայի հայրը նշում Է, որ որդու ամենասիրած կերակուրը բրոկոլին Է:
Տղան ինքը խոստովանել Է, որ ցանկանում Է քաշը գցել, որովհետեւ իրեն թույլ չեն տվել մասնակցել ձիերով դպրոցական ուղեւորություններին: Նա նաեւ պատմել Է, որ երբ ընկել Է լողավազան, չի կարողացել ինքնուրույն բարձրանալ:
Ծնողներն արդեն ստիպված են եղել համաձայնագիր ստորագրել սոցիալական ծառայության ներկայացուցիչների հետ: Եթե նրանք խախտեն այդ համաձայնագիրը, ապա երեխային խնամակալության հանձնելու գործընթացը կկիրառվի:
Գլխավոր խնդիրներից մեկը, որոնց ներկայում բախվում Է Մեծ Բրիտանիան, ավելորդ քաշն Է: Թագավորությունը եվրոպական երկրների թվում առաջին տեղն Է զբաղեցնում ավելորդ քաշից տառապող մարդկանց թվաքանակով: Այդ կապակցությամբ իշխանությունները մի շարք միջոցառումներ են իրականացնում, որոնք նպատակամղված են ազգի առողջության պահպանմանը, հաղորդել Է ՌԻԱ Նովոստին: