Ադրբեջանում դեռահաս է կախվել

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ադրբեջանի Իսմայիլլիի շրջանում ինքնասպանություն է գործել երրորդ դասարանի աշակերտը: Ինչպես հաղորդում է «Արմենպրես»-ը` վկայակոչելով ադրբեջանական Haqqin.az-ը, 2003 թվականին ծնված Ջաբիև Վուգար Նաթիգօղլուն հայտնաբերվել է իրենց տան բակում կախված վիճակում:

Թե ինչն է պատճառ դարձել դեռահասի ինքնասպանության համար, դեռևս հայտնի չէ: Գործի առնչությամբ հարուցվել է քրեական գործ, տարվում է հետաքննություն:

2014 թվականի այս 18 օրերի ընթացքում Ադրբեջանում ինքնասպանություն է գործել 18 մարդ: