Խաչանովը ՌԴ թենիսիստներին առաջին հաղթանակն Է բերել հարավաֆրիկացիների հետ մրցամարտում

ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Թենիսի Ռուսաստանի հավաքականի հայազգի խաղացող Կարեն Խաչանովը 3:0 (7:5, 6:1,6:3) հաշվով հաղթել Է հարավաֆրիկացի Դին Օ'Բրայենին` Դեւիսի գավաթի շրջանակում Հարավային Աֆրիկայի հավաքականի հետ անցկացվող հանդիպման ընթացքում:

Այս մասին տեղեկացնում Է «Արմենպրես»-ը` վկայակոչելով gazeta.ru կայքը:

Մրցամարտի հաղթողը իրավունք կստանա հաջորդ մրցաշրջանում պահպանել իր տեղը Դեւիսի գավաթի՝ թենիսի տղամարդկանց աշխարհի ոչ պաշտոնական թիմային առաջնության մրցաշարի եվրաաֆրիկյան գոտու առաջին խմբում:

Մեկնաբանելով իր խաղն այս մրցամարտում` Խաչանովը նշել Է, որ սկզբից փոքր- ինչ նյարդայնացած Էր, բայց հետագայում կարողացել Է իրեն զսպել եւ հաղթել մրցակցին: