1 րոպեի ընթերցում
ԳՅՈՒՄՐԻ, 22 ՄԱՅԻՍԻ, ԱՐՄԵՆՊՐԵՍ: Գյումրու քաղաքապետարանի մշակույթի բաժնի նախաձեռնությամբ մայիսի 22-ին Գյումրիում նշվեց աշխարհահռչակ ֆրանսահայ շանսոնյե, երգահան, երգիչ, կինոդերասան եւ հասարակական գործիչ Շառլ Ազնավուրի ծննդյան 89-ամյակը:
Քաղաքային իշխանությունների ներկայացուցիչները Մեծ հային իրենց շնորհավորանքի եւ երախտիքի խոսքը հնչեցրին Գյումրու Ազնավուրի անվան հրապարակում տեղադրված հուշարձանի մոտ:
Շառլ Ազնավուրին գյումրեցիների անունից շնորհավորական ուղերձ էր հղել նաեւ Գյումրու քաղաքապետ Սամվել Բալասանյանը: «Արմենպրես»-ի թղթակցի հետ ունեցած զրույցի ժամանակ քաղաքապետի մամուլի խոսնակ Զոհրապ Եգանյանն ընդգծեց, որ Գյումրին ու գյումրեցին չեն կարող իրենց երախտիքը չհայտնել 1988 թվականի երկրաշարժից հետո աղետի գոտուն հսկայական օգնություն ցույց տված մարդուն՝ ազգային հերոսին:
Մինչեւ ուշ գիշեր Գյումրիի կենտրոնական հրապարակում հնչելու են Շառլ Ազնավուրի կատարումները: