22 Ըստ թուրք գիտնականի` Թուրքիայում խտրականությունն ավելի մեծ է, քան Հարավային Աֆրիկայում
2 րոպեի ընթերցում
ՍՏԱՄԲՈՒԼ, 18 ԱՊՐԻԼԻ, ԱՐՄԵՆՊՐԵՍ: Թուրքիայում քրդական խնդրի գիտակ հասարակագետներ Իսմայիլ Բեշիքչին եւ Թարիք Էքինջին Ստամբուլի Սինանի անվան համալսարանում կազմակերպված «Քրդական խնդիրը. որտեղից` որտեղ» թեմայով կոնֆերանսում խոսել են Թուրքիայի հանրապետության ստեղծման առաջին տարիներից մինչ այժմ քրդական շարժման փուլերի մասին:
Ինչպես հաղորդում է «Արմենպրես»-ը` վկայակոչելով թուրքական «Միլիեթ» թերթը, քրդական հարցով աշխատությունների համար կյանքի մեծ մասը բանտում անցկացրած Իսմայիլ Բեշիքչին հայտարարել է, որ Թուրքիայի հանրապետությունում փոքրամասնությունների նկատմամբ խտրականությունը մշտապես ավելի մեծ է եղել, քան աշխարհի ամենառասիստական երկիր համարվող Հարավային Աֆրիկայում:
«Քրդական խնդրի լուծման դեմ մինչ այժմ իրագործվող պետական քաղականությունը բաղկացած էր համալսարաններում եւ քաղաքական կուսակցությունների` քրդական հարցով հետաքրքրվելու ու քրդական բուրժուազիա ստեղծվելու առաջ «Քուրդ եւ քրդերեն գոյություն չունի» կարգախոսով դրված արգելքից: Մինչ այժմ այդ ուղղությամբ քրդերի ձեռքբերումների նվազ լինելը պայմանավորված է այն բանով, որ թուրքական պետությունն ազգային փոքրամասնությունների հարցում նմանն ու հավասարը չունեցող ռասիստական եւ խտրական քաղաքականություն է վարում:
Այդ առումով Թուրքիան ավելի ռասիստական եւ խտրական երկիր է, քան աշխարհում ամենառասիստական համարվող Հարավային Աֆրիկան: Եթե այդ երկիրը սեւամորթներին արգելում էր շփվել սպիտակամորթների հետ, ապա Թուրքիայում քրդերին թողնում են շփվել թուրքերի հետ, սակայն, միմիայն թրքական ինքնություն ընդունելու դեպքում», -ասել է Ի.Բեշիքչին: