Հակոբ Սերոբյանը՝ Մ.Վորոնինի անվան մարմնամարզության մրցաշարի մրցավար

ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանցի մարմնամարզության միջազգային կարգի մրցավար եւ մարզիչ Հակոբ Սերոբյանը նշանակվել Է դեկտեմբերի 15-21-ը Մոսկվայում կայանալիք անվանի ռուս մարմնամարզիկ, օլիմպիական խաղերի, աշխարհի, Եվրոպայի բազմակի չեմպիոն Միխայիլ Վորոնինի անվան մարմնամարզության ավանդական միջազգային մրցաշարի մրցավար:

Այս մասին «Արմենպրես»-ին տեղեկացրին Հայաստանի մարմնամարզության եւ ակրոբատիկայի ֆեդերացիայում: Այս մրցաշարին կմասնակցեն Հայաստանի 4 մարզիկներ: ՀՀ մարզական պատվիրակությունը Մոսկվա կմեկնի դեկտեմբերի 15-ին: