1 րոպեի ընթերցում
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Հայաստանի նախագահական ընտրություններում տարած համոզիչ հաղթանակի կապակցությամբ, ՀՀ վարչապետ Սերժ Սարգսյանին շնորհավորական ուղերձ է հղել Բելառուսի Հանրապետության նախագահ Ալեքսանդր Լուկաշենկոն: Ինչպես «Արմենպրեսե-ին տեղեկացրին ՀՀ կառավարության տեղեկատվության եւ հասարակայնության հետ կապերի վարչությունից, ուղերձում, մասնավորապես, ասված է. «Համոզված եմ, որ Ձեր փորձն ու բարձր մասնագիտական պատրաստվածությունը կնպաստեն բարձրագույն պետական պաշտոնում`Հայաստանի սոցիալ-տնտեսական կայուն զարգացման ապահովմանը, միջազգային ասպարեզում երկրի հեղինակության ամրապնդմանն ուղղված Ձեր բարեհաջող գործունեությանը: Գոհունակությամբ եմ նշում մեր պետությունների միջեւ փոխըմբռնման ու վստահության բարձր մակարդակը, երկկողմ համագործակցության ակտիվ բնույթը, որն այսուհետ եւս կզարգանա ու կամրապնդվի` կառուցողական, փոխշահավետ գործընկերության ոգով: Ի սրտե մաղթում եմ Ձեզ, հարգելի Սերժ Ազատի, քաջառողջություն, երջանկություն եւ հաջողություններ, իսկ Հայաստանի բարեկամ ժողովրդին` խաղաղություն եւ բարօրությունե: