Իրանը և Օմանը կստեղծեն նոր մեխանիզմներ Հորմուզի նեղուցի վերահսկողության համար

Իրանը և Օմանը Հորմուզի նեղուցի կառավարման համաձայնագրի շուրջ բանակցությունների ընթացքում համաձայնության են եկել ստեղծել նոր մեխանիզմներ նեղուցի անվտանգության ապահովման համար: Ինչպես հաղորդում է «Արմենպրես»-ը, այդ մասին լրագրողների հետ ճեպազրույցում հայտնել է Իրանի արտաքին գործերի նախարարության խոսնակ Էսմայիլ Բաղային:

«Ձեռք բերված համաձայնություններին համապատասխան՝ կստեղծվեն մեխանիզմներ անվտանգ նավարկության վերահսկողության, շրջակա միջավայրի պաշտպանության և ծովային հանցագործությունների դեմ պայքարի համար», - ասել է նա: Բաղային նշել է, որ բոլոր մատուցվող ծառայությունների համար կգանձվի համապատասխան վճար:

Իրանի արտաքին գործերի նախարարությունում դրական են որակել Օմանի հետ բանակցությունների ընթացքը՝ նշելով, որ գործընթացն արդյունավետ է և կառուցողական: