1 րոպեի ընթերցում
Պակիստանի հարավ-արևմուտքի Բելուջստանի նահանգում ածխի հանքահորի փլուզման հետևանքով զոհերի թիվը հասել է 34-ի: Ինչպես հաղորդում է «Արմենպրես»-ը՝ վկայակոչելով Geo հեռուստաալիքը, փրկարարական աշխատանքները շարունակվում են:
Ավելի վաղ հաղորդվել էր պատահարի ինը զոհի մասին: Հանքահորի սեփականատիրոջ խոսքով՝ միջադեպի պատճառը կարող է լինել մեթանի պայթյունը: Այդ պահին գետնի տակ է եղել 42 աշխատող: Ընթանում է փլվածքների տակ մնացած հանքագործներին փրկելու գործողություն: