1 րոպեի ընթերցում
«Սևան» ազգային պարկ» ՊՈԱԿ-ի և գործընկեր կառույցների համատեղ և համակարգված աշխատանքի արդյունքում հունիսին Սևանա լճի 1905 մետր բացարձակ նիշից ներքև գտնվող տարածքներում իրականացվել են ապօրինի կառուցապատումների ապամոնտաժման աշխատանքներ։
Ինչպես «Արմենպրես»-ին տեղեկացրին «Աևան ազգային պարկ» ՊՈԱԿ աշխատակազմից, ձեռնարկված միջոցառումների արդյունքում միայն հունիսին ապամոնտաժվել է 61 միավոր ինքնակամ կառուցված շենք-շինություն և հենապատ։
2026 թվականի հունվար-հունիս ամիսներին իրականացված աշխատանքների արդյունքում ապամոնտաժվել է 174 միավոր ինքնակամ կառուցված շենք-շինություն և հենապատ։
Ընդհանուր առմամբ, 2025-2026 թվականների ընթացքում ձեռնարկված միջոցառումների արդյունքում ապամոնտաժվել է 235 միավոր ինքնակամ կառուցված շենք-շինություն և հենապատ։
Միաժամանակ «Սևան ազգային պարկ» ՊՈԱԿ տնօրինությունը տեղեկացնում և հորդորում է բոլոր այն վարձակալներին, որոնց կողմից օգտագործվող տարածքներում առկա են 1905 մետր բացարձակ նիշից ներքև կառուցված ինքնակամ շինություններ, հնարավորինս սեղմ ժամկետում իրականացնել դրանց կամավոր ապամոնտաժումը՝ խուսափելով օրենսդրությամբ սահմանված պատասխանատվության միջոցների կիրառումից։