1 րոպեի ընթերցում
2026 թվականի հուլիսի 2-ի դրությամբ Սևանա լիճը ծովի մակերևույթից գտնվում է 1900 մետր 76 սանտիմետր բարձրության վրա, ինչը 7 սանտիմետրով ավելի է նախորդ տարվա նույն օրը գրանցված նիշից։
Ինչպես «Արմենպրես»-ը տեղեկացավ ՀՀ ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ տեղեկագրից, 2026 թվականի հունվարից մինչ հուլիսի 2-ն ընկած ժամանակահատվածում Արփա-Սևան թունելային ջրատարով Սևանա լիճ է տեղափոխվել 138 միլիոն 717 հազար խմ ջուր։ Ոռոգման նպատակներով Սևանա լճից ջրբացթողումներ առայժմ չեն իրականացվում։
Այս տարվա հունվարից մինչ հուլիսի 1-ն ընկած ժամանակահատվածում Սևանա լճի մակարդակը բարձրացել է 54 սանտիմետրով։