Իրանի ԱԳՆ-ն քննադատել է ՆԱՏՕ-ի երկրներին Թեհրանի հետ հակամարտության ժամանակ Վաշինգտոնին օգնելու համար
1 րոպեի ընթերցում
ՆԱՏՕ-ի գլխավոր քարտուղար Մարկ Ռյուտեի այն խոսքերը, որ Հյուսիսատլանտյան դաշինքի անդամներն ակտիվորեն օգնել են ԱՄՆ-ին Իրանի դեմ գործողությունների ժամանակ, Թեհրանում գնահատում են որպես միջազգային իրավունքի և ՄԱԿ-ի կանոնադրության խախտման խոստովանություն: «Արմենպրես»-ի փոխանցմամբ՝ այս մասին հայտարարել է Իսլամական Հանրապետության արտգործնախարարության ներկայացուցիչ Էսմայիլ Բաղային։
«ՆԱՏՕ-ի գլխավոր քարտուղարը Իտալիային և Ռումինիային ուղղակիորեն համարել է Իրանի դեմ ագրեսիայի մասնակիցներ», - Բաղային գրել է X սոցիալական ցանցում։
Նա ընդգծել է, որ սա «ՆԱՏՕ-ի ակտիվ մասնակցության հստակ ու դատապարտող խոստովանություն է ՄԱԿ-ի անդամ ինքնիշխան պետության դեմ անօրինական ագրեսիվ պատերազմում, միջազգային իրավունքի անառարկելի նորմերի և ՄԱԿ-ի կանոնադրության հիմնարար սկզբունքների կոպիտ խախտում»։
Հունիսի 24-ին Սպիտակ տանը նախագահ Դոնալդ Թրամփի հետ հանդիպման ժամանակ Ռյուտեն հայտարարել է, որ Իրանի դեմ զինված հակամարտության ժամանակ ՆԱՏՕ-ի գծով ԱՄՆ-ի դաշնակիցները շատ ակտիվորեն օգնել են ամերիկյան զորքերին լոգիստիկային վերաբերող հարցում։