1 րոպեի ընթերցում
Գեղարքունիքի մարզի Մարտունի համայնքում առաջիկայում կգործարկվի միասնական երթուղային ցանց, որի ուղղությամբ արդեն կատարվել են առաջին փուլի ներդրումները և ձեռք են բերվել տրասնպորտային որոշ միջոցներ։
Ինչպես «Արմենպրես»-ին տեղեկացրին Մարտունիի համայնքապետարանի աշխատակազմից, ծրագիրն իրականացվում է համայնքապետարանի միջոցների հաշվին՝ 389 միլիոն դրամ արժեքով։
«Մեկնարկել է նոր տրանսպորտային միջոցների մատակարարումը, և ծրագրի առաջին փուլով նախատեսված վեց հարմարավետ «Գազել» միկրոավտոբուսներն արդեն տեղում են։ Համայնքի ֆինանսավորմամբ իրականացվող այս խոշոր ծրագրով մինչև հուլիսի վերջ ավտոպարկը կհամալրվի ևս 13 «JAC» տիպի միկրոավտոբուսներով, որից հետո Մարտունի-Երևան, Մարտունի-Վեդի և ներհամայնքային բոլոր բնակավայրերի ուղղություններով կմեկնարկեն կանոնավոր, անվտանգ և մատչելի ուղևորափոխադրումները, որոնք շատ կարևոր ու սպասված ձեռքբերում կլինեն համայնքի բնակիչների համար»,-ներկայացրին Մարտունիի համայնքապետարանի աշխատակազմից։