Ախուրյանում գնահատում են տեղացած հորդառատ անձրևի ու կարկուտի հետևանքները

2 րոպեի ընթերցում

Շիրակի մարզում հունիսի 10-ին տեղացած կարկուտը մեծ վնասներ է հասցրել Ախուրյան համայնքի ցանքատարածություններին։ Համայնքապետարանում այս պահին իրականացվում է վնասների հաշվառում։

Ինչպես «Արմենպրես»-ի թղթակիցը տեղեկանում է Ախուրյանի համայնքապետարանից, կարկտահարությունից տուժել են համայնքի 14 բնակավայրի ցորենի և գարու ցանքատարածությունները։ Որոշ բնակավայրերում ուժեղ քամին վնասել է նաև անհատական բնակելի տների տանիքները, կոտրվել են պատուհանների ապակիներ։ Ախուրյան համայնքի ղեկավար Զավեն Մանուկյանը, համայնքապետարանի գյուղատնտեսության և բնապահպանության բաժնի աշխատակիցների հետ շրջել է տուժած բնակավայրերում և տեղում արձանագրել աղետի հետևանքով պատճառված վնասները։

«Այն ցանքատարածությունների դեպքում, որոնք ապահովագրված չեն, մեր մասնագետների միջոցով կփորձենք գնահատել վնասի չափը, կկազմենք համապատասխան արձանագրություններ և դրանք կներկայացնենք կառավարությանը»,-նշում են համայնքապետարանից՝ հավելելով, որ ապահովագրված ցանքատարածությունների սեփականատերերը փոխհատուցում կստանան ապահովագրական ընկերություններից, իսկ չապահովագրված տնտեսությունների վերաբերյալ տվյալները կներկայացվեն համապատասխան պետական մարմիններին։ Վնասների ուսումնասիրությունը շարունակվում է։

Շիրակի մարզային հանձնաժողովը, համագործակցելով համայնքային հանձնաժողովների հետ, գույքագրելու է ստացված ահազանգերը, տեղում ուսումնասիրելու և ճշտելու է վնասների ծավալը։ Առանձին գույքագրման կենթարկվեն նաև գյուղատնտեսական նշանակության հողատարածքներին և մշակաբույսերին պատճառված վնասները։

Հայերեն English

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա