«Լուսավոր Հայաստան»-ը նախընտրական քարոզարշավի հերթական օրը կանցկացնի Մալաթիա-Սեբաստիա վարչական շրջանում

Հայաստանի Հանրապետությունում հունիսի 7-ին կայանալիք խորհրդարանական ընտրությունների նախընտրական պայքարի շրջանակներում «Լուսավոր Հայաստան» կուսակցությունը հունիսի 1-ին քարոզարշավ կանցկացնի Երևանի Մալաթիա-Սեբաստիա վարչական շրջանում։

«Արմենպրես»-ի հաղորդմամբ՝ այս մասին նշված է կուսակցության «Ֆեյսբուք»-ի էջում տարածած գրառման մեջ։

Կուսակցությունը հայտնում է, որ քարոզարշավը կմեկնարկի ժամը 12։00-ին։

Մայիսի 8-ին մեկնարկել է հունիսի 7-ին Հայաստանում կայանալիք խորհրդարանական ընտրությունների նախընտրական քարոզարշավը, որը կշարունակվի մինչև հունիսի 5-ը։

Ընտրություններին մասնակցելու համար գրանցվել է 18 քաղաքական ուժ՝ 2 դաշինք և 16 կուսակցություն։ «Լուսավոր Հայաստան» կուսակցությունը ընտրություններին մասնակցում է 19 համարի ներքո։ Կուսակցության կարգախոսն է՝ «Պաշտպանիր ինքնությունդ»։

Կուսակցությունը ԿԸՀ է ներկայացրել 89 թեկնածուից բաղկացած ընտրական ցուցակ, որը գլխավորում է կուսակցության նախագահ, ԱԺ նախկին պատգամավոր Էդմոն Մարուքյանը։