ՔՊ-ն քարոզարշավ է անցկացնում Լոռու մարզում

«Քաղաքացիական պայմանագիր» կուսակցությունը՝ արձակուրդում գտնվող ՀՀ վարչապետ, կուսակցության վարչության նախագահ Նիկոլ Փաշինյանի գլխավորությամբ, մայիսի 19-ին քարոզարշավ կանցկացնի Լոռու մարզում։

«Արմենպրես»-ի փոխանցմամբ՝ «Քաղաքացիական պայմանագիր» կուսակցության մամուլի ծառայությունը հրապարակել է մայիսի 19-ի քարոզարշավի ծրագիրը։

Իշխող կուսակցության անդամները քարոզարշավի շրջանակներում կլինեն Սպիտակում, Կուրթանում, Ստեփանավանում, Մեծավանում, Տաշիրում, Սվերդլովում, Օձունում։

Մայիսի 8-ին մեկնարկել է Հայաստանում հունիսի 7-ին կայանալիք խորհրդարանական ընտրությունների նախընտրական քարոզարշավը, որը կշարունակվի մինչև հունիսի 5-ը։ Ընտրություններին մասնակցելու համար գրանցվել է 19 քաղաքական ուժ՝ 2 դաշինք և 17 կուսակցություն։ «Քաղաքացիական պայմանագիր» կուսակցությունն ընտրություններին մասնակցում է 16 համարի ներքո՝ «Տե՛ր կանգնիր խաղաղությանը» կարգախոսով։ «Քաղաքացիական պայմանագիր» կուսակցությունը ԿԸՀ է ներկայացրել 283 թեկնածուից կազմված ընտրական ցուցակ, ինչպես նաև ազգային փոքրամասնությունների 10 թեկնածուից բաղկացած ցուցակ։ Կուսակցության վարչապետի թեկնածուն Նիկոլ Փաշինյանն է։