ՀՀ ՆԳՆ-ն հրապարակել է 2026 թվականի ԱԺ ընտրությունների վերաբերյալ հաճախ տրվող հարցերի պատասխանները
1 րոպեի ընթերցում
Հայաստանի ենրքին գործերի նախարարությունն անդրադարձել է 2026 թվականի ԱԺ ընտրությունների վերաբերյալ հանրության կողմից առավել հաճախ հնչող հարցերին։ «Արմենպրես»-ը ստորև ներկայացնում է նախարարության տարածած հարցերն ու պատասխանները։
Ինչպե՞ս համոզվել, որ ըստ գտնվելու վայրի ներկայացրած դիմումը բավարարվել է
Դիմումը ՆԳՆ ՄՔԾ տարածքային ստորաբաժանումում թղթային եղանակով լրացնելու դեպքում եռօրյա ժամկետում անհրաժեշտ է մոտենալ նույն տարածքային ստորաբաժանում։ Էլեկտրոնային եղանակով դիմումն ուղարկելու դեպքում եռօրյա ժամկետում ՄՔԾ պաշտոնական էլեկտրոնային հասցեից անձը ծանուցվում է հաստատման մասին։
Ինչո”ւ իմ տվյալները չկան ընտրացուցակներում Անձի տվյալները նախնական ընտրական ցուցակներում չեն ներառվում, եթե անձնագրի ժամկետը վեց ամիս և ավել՝ լրացած է, և եթե ՀՀ-ում չունի հաշվառում։
Եթե անձի տվյալները չկան ընտրողների ցուցակում, ի՞նչ քայլեր պետք է ձեռնարկել
Եթե ընտրության իրավունք ունեցող անձը նախնական ցուցակներում չի հայտնաբերում իր տվյալները, ապա անհրաժեշտ է դիմել ՆԳՆ ՄՔԾ տարածքային ցանկացած ստորաբաժանում, այդ թվում՝ Ծառայության գլխամասային գրասենյակ։