Հայաստան

ՀՀ ՆԳ նախարարի տեղակալը հանդիպել է Միգրացիայի քաղաքականության մշակման միջազգային կենտրոնի գլխավոր տնօրենի տեղակալի հետ

1 րոպեի ընթերցում

ՀՀ ՆԳ նախարարի տեղակալը հանդիպել է Միգրացիայի քաղաքականության մշակման միջազգային կենտրոնի գլխավոր տնօրենի տեղակալի հետ

Միգրացիայի 11-րդ միջազգային համաժողովի շրջանակում Հայաստանի ներքին գործերի նախարարի տեղակալ Արմեն Ղազարյանը հանդիպել է Միգրացիայի քաղաքականության մշակման միջազգային կենտրոնի (ICMPD) գլխավոր տնօրենի տեղակալ Սեդեֆ Դիրինգի հետ։ 

Ինչպես «Արմենպրես»-ին տեղեկացրին Հայաստանի ներքին գործերի նախարարությունից, հանդիպմանը քննարկվել են ՀՀ-ԵՄ վիզաների ազատականացման շուրջ երկխոսության ընթացքը, արձանագրված առաջընթացն ու առկա մարտահրավերները, նաև Հայաստանում սահմանների կառավարման ոլորտում իրականացվող բարեփոխումները։

Արմեն Ղազարյանը կարևորել է ICMPD-ի գրասենյակի աշխատանքների շարունակականության ապահովումը։ Կողմերն անդրադարձել են ոլորտային ծրագրերի տեխնիկական աջակցության և անհրաժեշտ ռեսուրսների ներգրավման հնարավորություններին։ Անդրադարձ է կատարվել նաև ոլորտային գործընթացների վերաբերյալ հանրային իրազեկվածության բարձրացման անհրաժեշտությանը:

 

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում