368.52
Գավառ քաղաքը հյուրընկալել է Վանաձորի պետական դրամատիկական թատրոնի դերասաններին
2 րոպեի ընթերցում
ՀՀ Գեղարքունիքի մարզպետ Կարեն Սարգսյանի նախաձեռնությամբ և ՀՀ ԿԳՄՍ նախարար Ժաննա Անդրեասյանի աջակցությամբ 2026 թվականի մարտ-ապրիլ ամիսներին Գեղարքունիքի մարզում հայտարարված «Թատերական երկամսյակ» նախաձեռնության շրջանակներում Գեղարքունիքի Լևոն Քալանթարի անվան դրամատիկական թատրոնը հերթական անգամ հյուրընկալել է Վանաձոր քաղաքի Հ․ Աբելյանի անվան դրամատիկական թատրոնի դերասաններին։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի ԿՄՍ վարչությունից, սա թվով 8-րդ ներկայացումն էր «Թատերական երկամսյակ»-ի շրջանակներում։
Վանաձորի Հ. Աբելյանի անվան պետական դրամատիկական թատրոնի դերասանները թատերասերների առջև հանդես են եկել «Սեր, թե՞ քուանշ» ներկայացման բեմադրությամբ, որի ռեժիսորն է Ժիրայր Գաբրիելյանը։
Ներկայացումը դիտելու նպատակով Գեղարքունիքի մարզպետի աշխատակազմի կողմից հրավիրվել էին մարզի տարբեր տարածաշրջանների կրթամշակութային և առողջապահական հաստատությունների աշխատակազմերի անդամներ, ուսանողներ, տարբեր ոլորտները ներկայացնող անձինք։
Գեղարքունիքի մարզում անցկացված թատերական երկամսյակին լավագույն մասնակցության համար Վանաձորի Հ. Աբելյանի անվան պետական դրամատիկական թատրոնի անձնակազմը խրախուսվել է ՀՀ Գեղարքունիքի մարզպետ Կարեն Սարգսյանի շնորհակալագրով։
Բաժանորդագրվեք մեր ալիքին Telegram-ում