368.54
Պակիստանի ԱԳՆ ղեկավարը հաստատել է իր երկրի մասնակցությունն ԱՄՆ-ի և Իրանի անուղղակի բանակցություններին
1 րոպեի ընթերցում
ԱՄՆ-ն և Իրանը վարում են միջնորդավորված բանակցություններ՝ հաղորդագրություններ փոխանակելով Պակիստանի միջոցով: «Արմենպրես»-ի փոխանցմամբ՝ այդ մասին հայտնել է Պակիստանի արտգործնախարար Իսհակ Դարը։
«ԶԼՄ-ներում հայտվել են անհարկի ենթադրություններ՝ կապված Մերձավոր Արևելքում ընթացող հակամարտության դադարեցմանն ուղղված հաշտության բանակցությունների հետ: Իրականում ամերիկա-իրանական անուղղակի բանակցություններ են ընթանում Պակիստանի կողմից փոխանցվող հաղորդագրությունների միջոցով», - գրել է նա X-ում:
Նախարարը պարզաբանել է, որ ԱՄՆ-ն Իրանին է փոխանցել 15 կետից բաղկացած պլան, որը ներկայում քննարկվում է Թեհրանում:
Դարի խոսքով՝ Թուրքիան և Եգիպտոսը նույնպես աջակցում են իրադրության խաղաղ կարգավորման նախաձեռնություններին:
Իրանն ու ԱՄՆ-ն իրարամերժ հայտարարություններ են անում բանակցությունների վերաբերյալ: Ամերիկյան կողմը պնդում է, որ բանակցություններ են ընթանում, մինչդեռ Իրանը հայտարարում է, որ երկրի հետ միջնորդներ են կապվել և հաղորդագրություններ փոխանցել, սակայն Թեհրանը կշարունակի դիմադրությունը:
Բաժանորդագրվեք մեր ալիքին Telegram-ում