Մակրոնը Փեզեշքիանի հետ հեռախոսազրույցում կոչ է արել վերականգնել ազատ նավարկությունը Հորմուզի նեղուցով

2 րոպեի ընթերցում

Ֆրանսիայի նախագահ Էմանուել Մակրոնը հեռախոսազրույց է ունեցել Իրանի նախագահ Մասուդ Փեզեշքիանի հետ՝ կոչ անելով այդ երկրին «անհապաղ դադարեցնել անընդունելի հարձակումները»։ Ինչպես հաղորդում է «Արմենպրես»-ը, այս մասին Մակրոնը գրառում է կատարել X-ի իր էջում։

«Ես կոչ արեցի նրան անհապաղ դադարեցնել անընդունելի հարձակումները, որ Իրանն իրականացնում է տարածաշրջանի երկրների դեմ թե՛ ուղղակի, թե՛ միջնորդների միջոցով, ինչպես Լիբանանում և Իրաքում։ Ես նրան հիշեցրեցի, որ Ֆրանսիան միջամտում է խիստ պաշտպանական շրջանակներում՝ պաշտպանելու իր շահերը, իր տարածաշրջանային գործընկերների շահերը և ի նպաստ նավարկության ազատության, և որ անընդունելի է, որ մեր երկիրը թիրախավորվի»,- հեռախոսազրույցի մասին գրել է Մակրոնը։

Նա հայտարարել է, որ տեղի ունեցող իրադարձությունները քաոսի մեջ են գցում ամբողջ տարածաշրջանը, ինչը լուրջ հետևանքներ կունենա դեռ երկար տարիներ։

«Միայն նոր քաղաքական և անվտանգային շրջանակը կապահովի խաղաղություն և անվտանգություն բոլորի համար։ Նման շրջանակը պետք է երաշխավորի, որ Իրանը երբեք միջուկային զենք ձեռք չի բերի»,- ասել է Ֆրանսիայի նախագահը՝ անդրադառնալով նաև իրանական բալիստիկ ծրագրի սպառնալիքներին։

Նա նաև հայտարարել է, որ Հորմուզի նեղուցում ազատ նավարկությունը պետք է վերականգնվի հնարավորինս շուտ։

Մակրոնը կոչ է արել նաև ազատ արձակել Իրանում ձերբակալված երկու ֆրանսիացիների, ովքեր մեղադրվում են Ֆրանսիայի ու Իսրայելի օգտին լրտեսություն անելու մեջ։

Հայերեն Русский

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում

Firebird-ը Dell Technologies-ի հետ ընդլայնում է իր ԱԲ ենթակառուցվածքը Հայաստանում