Ուկրաինայի զինված ուժերը պետք է հեռանան Դոնբասից` հակամարտության կարգավորման համար. Պեսկով
1 րոպեի ընթերցում
Ուկրաինայի զինված ուժերը պետք է դուրս գան Դոնբասից՝ ռուս-ուկրաինական հակամարտության կարգավորման գործընթացի համար: Ինչպես «Արմենպրես»-ը տեղեկանում է ՏԱՍՍ գործակալությունից, ճեպազրույցի ժամանակ այդ մասին ասել է Ռուսաստանի նախագահի մամուլի քարտուղար Դմիտրի Պեսկովը:
«Ուկրաինայի զինված ուժերը պետք է հեռանան Դոնբասից, պետք է դուրս բերվեն այնտեղից: Դա (կարգավորման) շատ կարևոր պայման է», - նշել է նա:
«Կան նաև այլ նրբություններ, որոնք մնում են բանակցությունների օրակարգում», - հավելել է Պեսկովը:
Գիշերը ՌԴ նախագահը Կրեմլում ընդունել է ամերիկյան պատվիրակությանը, որի անդամներն այնուհետև մեկնել են Աբու Դաբի՝ ԱՄՆ-ՌԴ-Ուկրաինա աշխատանքային խմբերի եռակողմ բանակցությունների։