1 րոպեի ընթերցում
Խորհրդարանը երկրորդ ընթերցմամբ և ամբողջությամբ ընդունեց առողջության համընդհանուր ապահովագրության ներդրման վերաբերյալ օրենքների նախագծերի փաթեթը:
«Արմենպրես»-ի հաղորդմամբ՝ Առողջության համընդհանուր ապահովագրության մասին և կից ներկայացված օրենքների նախագծերի փաթեթը քվեարկությամբ ստացավ 64 կողմ, 2 դեմ, 5 ձեռնպահ ձայներ:
Պետության կողմից կապահովագրվեն մինչև 18 և 65-ից բարձր տարիքի անձինք, 18-65 տարեկան և հաշմանդամություն ունեցող անձինք, սոցիալական անապահովության 28 և ավելի բալ ունեցող ընտանիքները։
2026 թվականից համակարգի մասնակից կդառնան 200 հազար դրամից բարձր աշխատավարձ ստացող քաղաքացիները։ Ապահովագրության համար ամսական վճարի չափը ստացվում է մոտ 11 հազար դրամ: Պետությունը վստահեցրել է, որ սկզբնական փուլում տարբեր վերաբաշխումների արդյունքում քաղաքացիներն այդ ծախսը չեն զգալու:
Բնակչության մյուս խմբերը համակարգին կմիանան հաջորդ երկու տարիների ընթացքում։
Օրենքն ուժի մեջ է մտնելու ՀՀ նախագահի կողմից ստորագրման հաջորդ օրվանից։