367.47
Իրանի ԱԳ նախարարը ժամանել է Մոսկվա
1 րոպեի ընթերցում
Իրանի արտաքին գործերի նախարար Աբբաս Արաղչին ժամանել է Մոսկվա, որտեղ պլանավորված է նրա հանդիպումը ռուս գործընկեր Սերգեյ Լավրովի հետ: Նախարարի ժամանումից կադրեր է հրապարակել Tasnim լրատվական գործակալությունը: Այդ մասին «Արմենպրես»-ը տեղեկանում է ՏԱՍՍ գործակալությունից:
Արաղչիին օդանավակայանում դիմավորել է Ռուսաստանի Դաշնությունում Իսլամական Հանրապետության դեսպան Քազեմ Ջալալին:
Ավելի վաղ ՌԴ ԱԳ նախարարությունը հաղորդել էր, որ Ռուսաստանի և Իրանի դիվանագիտական գերատեսչությունների ղեկավարները մտադիր են Մոսկվայում հանգամանորեն քննարկել միջազգային հրատապ հարցեր, ներառյալ իրանական միջուկային ծրագրի շուրջ ստեղծված իրադրությունը, ինչպես նաև կարծիքներ փոխանակել փոխադարձ հետաքրքրություն ներկայացնող տարածաշրջանային հարցերի շուրջ:
Կարդացեք հոդվածը` Русский
Բաժանորդագրվեք մեր ալիքին Telegram-ում