365.16
Գազայում իսրայելական հարվածների հետևանքով չորսամյա երեխա է զոհվել
1 րոպեի ընթերցում
Գազայի հատվածում օգոստոսի 23-ին Իսրայելի երկու օդային հարվածների հետևանքով առնվազն երկու մարդ է զոհվել, այդ թվում՝ չորսամյա տղա, ևս յոթ մարդ վիրավորվել է։ Ինչպես հաղորդում է «Արմենպրես»-ը՝ վկայակոչելով Reuters-ը, այս մասին հայտարարել են պաղեստինյան առողջապահական պաշտոնյաները։
Իսրայելը հայտարարել է, որ կուժեղացնի հարվածները՝ Գազայից Իսրայելի ուղղությամբ օդապարիկների, անօդաչու թռչող սարքերի և օդապարուկների արձակումներով պայմանավորվածի։
Իսրայելական կողմի հարվածներից մեկը հասցվել է անկլավի կենտրոնական հատվածում գտնվող Զավայդա քաղաքի շենքերից մեկին։
Օդային հարվածի հետևանքով շենքը վերածվել էր մետաղի և բետոնի կույտի։
Առողջապահական պաշտոնյաների հաղորդմամբ՝ երկրորդ օդային հարվածը հասցվել է մոտակայքում գտնվող Նուսեյրաթ փախստականների ճամբարին։
Իսրայելի զինված ուժերը հայտնել են, որ ուսումնասիրում են երկու հարվածների հանգամանքները։
Բաժանորդագրվեք մեր ալիքին Telegram-ում