1 րոպեի ընթերցում
Ֆրանսիայի արևմուտքում գտնվող Օլերոն կղզում վարորդը մեքենան վարել է հետիոտների և հեծանվորդների վրա, ինչի հետևանքով առնվազն ինը մարդ է վիրավորվել։ «Արմենպրես»-ի փոխանցմամբ՝ այս մասին հաղորդում է Reuters գործակալությունը՝ վկայակոչելով ներքին գործերի նախարար Լորեն Նունեզին։
Տարբեր լրատվամիջոցներ գրում են 10 վիրավորի մասին։
Տեղի դատախազներից մեկը հայտնել է, որ ձերբակալման պահին 35-ամյա կասկածյալը բացականչել է «Ալլահու Ակբար» (Աստված մեծագույնն է)։
Տղամարդը մեքենան մարդկանց վրա է վարել կղզու տարբեր հատվածներում։ Վիրավորներից չորսը ծայրահեղ ծանր վիճակում են։
Հանցագործության շարժառիթը հայտնի չէ, սակայն ըստ Le Parisien-ի՝ չի բացառվում, որ կասկածյալը կարող է հոգեկան խնդիրներ ունենալ։
Ֆրանսիական լրատվամիջոցները գրում են նաև, որ տղամարդը իրավապահների ուշադրության կենտրոնում հայտնվել է ոչ սթափ վիճակում մեքենա վարելու, ինչպես նաև թմրանյութերի հետ կապված հանցագործությունների համար։ Նաև հաղորդվում է, որ կասկածյալը փորձել է հրկիզել իր մեքենան, որի մեջ եղել են մեկ կամ մի քանի գազաբալոններ։