1 րոպեի ընթերցում
Էստոնիայի պաշտպանության նախարար Հաննո Պևկուրը հայտարարել է, որ ամերիկյան զորքերը չեն հեռանա Էստոնիայից։
«Սա դրական որոշում է Էստոնիայի համար. Միացյալ Նահանգները մեզ տեղեկացրել է, որ մեր համագործակցությունը կշարունակվի այնպես, ինչպես այսօր։ Ես նաև նրանց ազդանշան եմ ուղարկել, որ մենք պատրաստ ենք ակտիվացնել համագործակցությունը», - «Արմենպրես»-ի փոխանցմամբ, Էստոնիայի հեռուստատեսությանն ասել է Պևկուրը:
Մեկնաբանելով հոկտեմբերի 29-ինՆԱՏՕ-ի երկրների՝ ԱՄՆ-ից ստացված հաղորդագրությունն այն մասին, որ ամերիկյան կողմը ծրագրում է կրճատել զորքերի թվաքանակը Եվրոպայի արևելյան թևում՝ Պևկուրն ասել է, որ Միացյալ Նահանգները հասկանում է Էստոնիայում զորքեր պահելու անհրաժեշտությունը։
Պաշտպանության նախարարը նշել է, որ Էստոնիան ապահովելու է ամերիկյան զորքերին վարժանքների համար անհրաժեշտ պայմաններով։