Մեծ Բրիտանիայի վարչապետը ողջունել է ռուսական նավթային ընկերությունների դեմ պատժամիջոցներ սահմանելու ԱՄՆ որոշումը

Մեծ Բրիտանիայի վարչապետ Քիր Սթարմերը ողջունել է խոշորագույն ռուսական նավթային ընկերությունների դեմ պատժամիջոցներ սահմանելու Միացյալ Նահանգների որոշումը։

Ինչպես հաղորդում է «Արմենպրես»-ը, X-ի իր էջում Սթարմերը հիշեցրել է, որ նախորդ շաբաթ Միացյալ Թագավորությունն էր պատժամիջոցներ սահմանել ռուսական նավթային ընկերությունների նկատմամբ՝ նշելով․ «Ուրախ եմ, որ ԱՄՆ-ն միացավ մեզ նույն նավթային ընկերությունների դեմ առարկայական պատժամիջոցներ սահմանելով։ Պուտինը պետք է վճարի իր անտեղի ագրեսիայի դիմաց։ Սպանությունները պետք է հենց հիմա դադարեցվեն»։

Last week, the UK sanctioned Russia’s two largest oil companies that fund Putin’s war machine.

I’m pleased the US has now joined us with substantial sanctions on the same two oil companies.

Putin must pay the price for his needless aggression. The killing must end now.

— Keir Starmer (@Keir_Starmer) October 22, 2025

Միացյալ Նահանգները հոկտեմբերի 22-ին հայտարարեց ռուսական երկու նավթ արդյունահանող ընկերությունների՝ «Ռոսնեֆտ»-ի և «Լուկոյլ»-ի նկատմամբ պատժամիջոցներ սահմանելու որոշման մասին։  ԱՄՆ ֆինանսների նախարար Սքոթ Բեսենթը նշել է, որ «ժամանակն է դադարեցնել սպանությունները և անհապաղ դադարեցնել կրակը»։

«Հաշվի առնելով նախագահ Պուտինի հրաժարումը դադարեցնել այս անիմաստ պատերազմը, Ֆինանսների նախարարությունը պատժամիջոցներ է սահմանում Ռուսաստանի երկու խոշորագույն նավթային ընկերությունների նկատմամբ, որոնք ֆինանսավորում են Կրեմլին», - ասել է նա։