1 րոպեի ընթերցում
ՆԱՏՕ-ի գլխավոր քարտուղար Մարկ Ռյուտեն հայտարարել է, որ ակնկալում է, որ պաշտպանության նախարարների նիստի արդյունքներով դաշինքի երկրները նոր հայտարարություններ կանեն Ուկրաինային օգնություն ցուցաբերելու, այդ թվում՝ հակաօդային պաշտպանության վերաբերյալ։ «Արմենպրես»-ի փոխանցմամբ՝ այս մասին նա ասել է ՊՆ ղեկավարների նիստի մեկնարկից առաջ:
«Մենք կքննարկենք նոր նախաձեռնությունը, որը գործի է դրվել օգոստոսին Եվրոպայի կողմից ամերիկյան մահաբեր և ոչ մահաբեր զենք գնելու համար Ուկրաինային օգնելու նպատակով։ Մենք արդեն ունենք 2 միլիարդ եվրոյի պարտավորություններ. այսօր սպասում եմ նոր հայտարարությունների, այդ թվում՝ հակաօդային պաշտպանությանը վերաբերող ամեն ինչի», - նրա խոսքերն է մեջբերում «ՌԻԱ Նովոստի» գործակալությունը։