«ԴիջիԹեք»-ը դարձել է տեխնոլոգիական և թվային ոլորտի ամենակարևոր իրադարձությունը ոչ միայն Հայաստանում, այլև ամբողջ Կովկասում. Ֆրանկ Հես

2 րոպեի ընթերցում

Հայաստանում Եվրոպական միության պատվիրակության համագործակցության բաժնի ղեկավար Ֆրանկ Հեսը տպավորված է տեղեկատվական տեխնոլոգիաների և նորարարության ոլորտում Հայաստանի գրանցած նվաճումներով ու ձեռքբերումներով։ 

«Արմենպրես»-ի հաղորդմամբ՝ ԵՄ պաշտոնյան այս մասին նշեց «ԴիջիԹեք 2025»-ի բացման արարողության ժամանակ՝ ընդգծելով, որ ԵՄ պատվիրակությունը շատ հպարտ է «ԴիջիԹեք 2025»-ի հովանավորներից մեկը լինելու համար։ 

«Հիշում եմ, երբ չորս տարի առաջ ժամանեցի Հայաստան և նաև ներկա գտնվեցի «ԴիջիԹեք»-ին, այն ժամանակ միջոցառումը շատ էր տարբերվում այն ամենից, ինչ ես հիմա տեսնում եմ․ այժմ միջոցառումն ավելի մեծ է իր մասշտաբներով և բովանդակային առումով։ Կարծում եմ, որ «ԴիջիԹեք»-ը դարձել է տեխնոլոգիական և թվային ոլորտի ամենակարևոր իրադարձությունը ոչ միայն Հայաստանում, այլև ամբողջ Կովկասում։ Կարծում եմ, որ սա մեծ ձեռքբերում է»,-նշեց Ֆրանկ Հեսը։ 

Նա նաև ընդգծեց, որ այսօրվա միջոցառումը միակը չէ, որով Եվրոպական միությունն աջակցում է Հայաստանին։ 

«Մենք հպարտ ենք աջակցել Հայաստանին նաև կրթության ոլորտում, որը շատ կարևոր է, քանի որ Հայաստանում պետք է լինեն ուսանողներ և մասնագետներ, որոնք կկարողանան գործունեություն ծավալել արհեստական բանականության և տեխնոլոգիաների ոլորտում։ Մենք աջակցում ենք նաև ԹՈՒՄՈ ստեղծարար տեխնոլոգիաների կենտրոնին։ Ես իսկապես տպավորված եմ այս ոլորտներում Հայաստանի գրանցած բոլոր ձեռքբերումներով ու նվաճումներով, ինչի համար շնորհավորում եմ բոլորիդ»,-ասաց Հեսը։ 

Նա նաև հիշեցրեց, որ հաջորդ տարի Երևանում  կայանալու է մեկ այլ մեծ իրադարձություն՝ COP17-ը (խմբ․՝ ՄԱԿ-ի «Կենսաբազմազանության մասին» կոնվենցիայի Կողմերի 17-րդ համաժողովը), և հույս հայտնեց, որ այդ համաժողովը ևս «ԴիջիԹեք»-ի նման հաջող ընթացք կունենա։ 

Հայերեն العربية English Русский

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը