1 րոպեի ընթերցում
Ռուսաստանը և Ուկրաինան շարունակում են փոխադարձ հարվածները՝ չնայած հակամարտության կարգավորման ջանքերին: «Արմենպրես»-ի փոխանցմամբ՝ ուկրաինական «Ունիան» պարբերականը հաղորդում է, որ զանգվածային հարվածների է ենթարկվել Օդեսայի շրջանը, Ռուսաստանը դարձյալ թիրախավորել է ադրբեջանական SOCAR պետական նավթային ընկերության օբյեկտները:
Պայթյուններ են լսվել, քաղաքի երկնքում հարվածներից հետո ծուխ է հայտնվել։ Ըստ տեղի արտակարգ ծառայությունների՝ էներգետիկ ենթակառուցվածքի օբյեկտում խոշոր հրդեհ է բռնկվել։
Իր հերթին, BBC-ի ռուսական ծառայությունը հաղորդում է, որ Խարկովում ռուսական հարվածներից առնվազն 7 մարդ է զոհվել, այդ թվում՝ երկու երեխա: Եվս 20 մարդ վիրավորվել է: Զապորոժիեում կա 1 զոհ, 17 վիրավոր: Թիրախավորվել է նաև Սումիի մարզը, որտեղ կա մեկ վիրավոր:
Իսկ ՏԱՍՍ-ը հաղորդում է, որ ուկրաինական հարվածներից մեկ մարդ զոհվել է Դոնեցկում, ևս մեկը՝ Խերսոնում:
«Ռոսատոմ»-ը հայտնել է, որ Սմոլենսկի ատամոկայանի տարածքում խոցվել է ուկրաինական անօդաչու թռչող սարք, որի բեկորները միայն չնչին վնասներ են հասցրել օբյեկտին, տուժածներ չկան: