367.47
Իրանն ԱԷՄԳ-ին տեղեկացրել է հարստացված ուրանի պաշարների պաշտպանության միջոցների ձեռնարկման մասին. Գրոսի
1 րոպեի ընթերցում
Թեհրանն Ատոմային էներգիայի միջազգային գործակալությանը (ԱԷՄԳ) տեղեկացրել է հարստացված ուրանի պաշարների համար պաշտպանության հատուկ միջոցների ձեռնարկման մասին դեռ նախքան ԱՄՆ-ի կողմից Իրանի միջուկային օբյեկտներին հարվածներ հասցնելը։ «Արմենպրես»-ի փոխանցմամբ՝ այս մասին հայտարարել է ԱԷՄԳ-ի գլխավոր տնօրեն Ռաֆայել Գրոսին:
Ըստ Reuters-ի՝ Գրոսին հայտնել է, որ Իրանից նամակ է ստացել հունիսի 13-ին, որտեղ իրեն հայտնել են, որ Թեհրանը «հատուկ միջոցներ» կձեռնարկի իր միջուկային նյութերը և սարքավորումները պաշտպանելու համար։
Նրա կարծիքով, այդ պաշարները կարող էին դիմանալ ԱՄՆ հարվածներին:
«Նրանք մանրամասնությունների մեջ չեն մտել, թե ինչ նկատի ունեն, բայց ակնհայտ է, թե նրանք ինչ նկատի ունեին: Մենք կարող ենք ենթադրել, որ այդ նյութերը դեռևս այնտեղ են», - ասել է Գրոսին լրագրողների հետ զրույցի ժամանակ:
Բաժանորդագրվեք մեր ալիքին Telegram-ում