1 րոպեի ընթերցում
Իսրայելի պաշտպանության բանակը (ԻՊԲ) հայտարարել է, որ երկրի տարածքին Իրանի վերջին հարվածին պատասխանի ընթացքում ոչնչացվել է հրթիռային արձակման կայանք, որը գտնվել է Թեհրանից ոչ հեռու: «Արմենպրես»-ի փոխանցմամբ այս մասին ԻՊԲ-ն հայտնել է իր Telegram ալիքում։
«Օպերատիվ պատասխանի շրջանակներում Իսրայելի ռազմաօդային ուժերը հայտնաբերել և ոչնչացրել են «երկիր-օդ» դասի հրթիռների արձակման զորքերը Թեհրանի հարավում գտնվող մեկնարկի կայանք նրանց հասնելուց վայրկյաններ առաջ։ Զորքերը ոչնչացվել են կայանքի հետ միասին», - ասվում է հաղորդագրության մեջ:
Հաղորդագրությանը կից տրվել է տեսանյութ՝ արձակման կայանքի անձնակազմի ոչնչացման կադրերով:
ԻՊԲ-ն նշում է, որ հարվածի նպատակն է գերազանցության հասնել Իրանի օդային տարածքի նկատմամբ:
Իրանը վաղ առավոտյան հարվածներ է հասցրել Իսրայելի տարածքին: Հայֆայում իրանական հարվածների հետևանքով զոհվել է 8 մարդ։ Ըստ Իսրայելի առողջապահության նախարարության՝ երկրի հյուսիսային և կենտրոնական շրջանների թիրախավորման հետևանքով վիրավորվել է 287 մարդ։