1 րոպեի ընթերցում
Իսրայելի ռազմաօդային ուժերի ինքնաթիռներն սկսել են մի գործողություն, որի նպատակն է Իրանի զինվորականների կողմից արձակված անօդաչուները խոցելը: «Արմենպրես»-ի փոխանցմամբ՝ այս մասին հաղորդում է The Jerusalem Post-ը։
Ըստ հրապարակման՝ զինվորականները փորձում են անօդաչուները խոցել, նախքան դրանք կհասնեն Իսրայելի օդային տարածք:
Ակնկալվում է, որ ԱԹՍ-ներն Իսրայել կհասնեն առաջիկա մի քանի ժամվա ընթացքում։
Գիշերն Իսրայելը հարվածներ է հասցրել Իրանի մայրաքաղաք Թեհրանին և նրա շրջակայքին, ինչպես նաև Իրանի այլ քաղաքներին։ Հարվածի թիրախ է դարձել նաև Նաթանզի միջուկային օբյեկետը, ինչպես նաև բնակելի շենքեր։ Զոհվել են իրանցի բարձրաստիճան զինվորականներ և միջուկային ոլորտի մասնագետներ։ Դրան ի պատասխան՝ Իրանի արտաքին գործերի նախարարությունն զգուշացրել է, որ Թեհրանն իրավունք ունի պատասխան միջոցներ ձեռնարկել Իսրայելի դեմ և «առանց տատանվելու պաշտպան կկանգնի ազգին»: Դրանից հետո հայտնի է դարձել, որ իրանցի զինվորականները շուրջ հարյուր անօդաչու թռչող սարք են արձակել Իսրայելի ուղղությամբ։