Ֆրանսիան կշարունակի աջակցել Հայաստանին Եվրամիության հետ հարաբերությունների սերտացման ուղղությամբ. Ժան-Նոել Բարո
1 րոպեի ընթերցում
Ֆրանսիան կշարունակի գործել Հայաստանի և Եվրամիության հարաբերությունների սերտացման ուղղությամբ՝ լինի խաղաղության եվրոպական գործիքի տրամադրման, վիզաների ազատականացման, թե ենթակառուցվածքների զարգացման ծրագրերին աջակցելու շրջանակում։
«Արմենպրես»-ի փոխանցմամբ՝ այս մասին հայտարարել է Ֆրանսիայի արտաքին գործերի նախարար Ժան-Նոել Բարոն՝ ՀՀ ԱԳ նախարար Արարատ Միրզոյանի հետ համատեղ ասուլիսի ընթացքում։
«Ֆրանսիան միշտ պատրաստ է աջակցել Հայաստանին՝ ապահովելով այնպիսի հարաբերություններ, որոնք գնալով կլինեն ավելի ու ավելի կառուցողական։
Ես նաև ողջունում եմ «Երևանյան երկխոսության» կազմակերպումը, որին ինքս մասնակցելու պատիվ ունեմ։ Դա նմանօրինակ երկրորդ համաժողովն է և արդեն դառնում է կարևորագույն հարթակ որոշում կայացնողների, հետազոտողների և այլոց համար»,- ասել է Ֆրանսիայի ԱԳ նախարարը։